Bllokada nga bora në disa lagje dhe fshatra të Prizrenit

9 Janar 2017 - 08:48      

Reshjet intensive të borës në dy ditët e kaluara kanë lënë të bllokuara disa lagje të komunave kosovare sikurse edhe në fshatra.

Gjendja e rënduar si pasojë e reshjeve të borës dhe e ngricave ka vazhduar gjatë fundjavës në rajonin e Prizrenit, shkruan sot “Koha Ditore”. Zonat malore vazhdojnë që të jenë në situatë më të vështirë.

Komuna e Dragashit, pos acarit, është përballur edhe me mungesë të energjisë elektrike.

Në një paraqitje mediale, zyrtarë nga kjo komunë kanë pranuar se situata është e vështirësuar, me ç’rast drejtori i Mbrojtjes, Shpëtim dhe Shërbime Publike, Tafil Krasniqi, ka veçuar mungesën disaditëshe të energjisë elektrike, sikurse edhe ujit. Sipas tij, edhe disa fshatra janë bllokuar si pasojë e reshjeve të mëdha të borës, por se me vetiniciativën e banorëve janë ndërmarrë aksione për zhbllokim të rrugëve.

(Më shumë lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.