Banorët e katër fshatrave të Kamenicës të izoluar nga bora [video]

8 Janar 2017 - 19:09      

Banorët e katër fshatrave të Kamenicës po e kanë të vështirë qarkullimin e lirë, si pasojë e mospastrimit të rrugës nga të reshurat e shumta të borës.

Ani pse lidh katër fshatra të komunës së Kamenicës, si Dajkocin, Kolloleshin Qerakvocin dhe Hogoshtin, mospastrimi i kësaj rruge ka ndikuar në izolimin e shumicës së banorëve të kësaj ane.

Në fshatin Dajkoc, rruga e të cilit është me ngrica, ka vështirësuar qarkullimin e banorëve. Me shumë kujdes, banorët kalojnë rrugën në mënyrë që të mos rrezikojnë jetën e askujt.

Banorët thonë se dendësia e madhe e borës i ka lënë të izoluar në shtëpi. Faik Rexhepaj, drejtor për emergjencë në komunën e Kamenicës, i ka thënë KTV-së nëpërmjet telefonit se komuna me potencialin që ka, po mundohet që të bëjë pastrimin e rrugëve dhe të lehtësojë qarkullimin.

Sipas tij, gjatë ditës së diel dhe të hënës, punët do të jenë edhe më intensive. Banorët bëjnë të ditur se disa fshatra më të thella malore të komunës së Kamenicës janë krejtësisht të izoluara.

© KOHA. Të gjitha të drejtat janë të rezervuara.

Banorët e katër fshatrave të Kamenicës të... by kohanet