OSHP-ja kthen në rivlerësim tenderin për Hartën Zonale të Prizrenit

7 Janar 2017 - 13:19      

Tenderi për hartimin e Hartës Zonale të Prizrenit është kthyer në rivlerësim të pjesshëm nga Organi Shqyrtues të Prokurimit. Një vendim i tillë është marrë pasi që është konstatuar se Komuna e Prizrenit në këtë aktivitet të prokurimit nuk ka vepruar në përputhje të plotë me Ligjin për prokurimin publik. Kësisoj ankesa e një operatori ekonomik e ka kthyer lëndën në rivlerësim prej fazës pas dorëzimit të vendimit të jurisë, shkruan sot Koha Ditore.

"Miratohet, pjesërisht e bazuar ankesa e operatorit ekonomik "Prima Engineering" – Prishtinë, lidhur me aktivitetin e prokurimit "Hartimi i hartës zonale për Komunën e Prizrenit", të iniciuar nga Komuna e Prizrenit. Anulohet, njoftimi për rezultatet e konkursit të projektimit të iniciuar nga Komuna e Prizrenit për aktivitetin e prokurimit "Hartimi i Hartës Zonale për Komunën e Prizrenit" dhe lënda kthehet në rivlerësim prej fazës pas dorëzimit të vendimit të jurisë", shkruan në vendimin e OSHP-së.

(Detajet tjera mund t’i gjeni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.