Gjendja nëpër rrugët e Ferizajt

6 Janar 2017 - 16:43      

Në orët e mbrëmjes, zyrtarë nga shtabi i gatishmërisë, kanë vizituar edhe një herë rrugët e Ferizajt dhe të disa fshatrave përreth, për të parë gjendjen e rrugëve, pas reshjeve të pandërprera të borës, gjatë dy ditëve të fundit.

Udhëheqësi i këtij shtabi dhe kryetar i komunës, Muharrem Svarqa, qëndroi në Talinoc të Muhaxherëve, së bashku me komandantin e stacionit të policisë së Ferizajt Qazim Reka.

Kryetari Svarqa tha se gjendja në terren tregon se situata është më e mirë se në mëngjes dhe po punohet që rrugët të jenë të kalueshme në tërë territorin e komunës së Ferizajt, pjesa më e madhe e të cilave janë hapur gjatë ditës për qarkullim.

Kryetari i Ferizajt bëri të ditur se shtabi do të kujdeset pandërprerë, derisa gjendja të stabilizohet plotësisht.

Ndërsa komandanti i stacionit policor, Qazim Reka tha se gjatë ditës, përkundër vështirësive në qarkullimin e automjeteve, nuk janë shënuar aksidente serioze.

© KOHA. Të gjitha të drejtat janë të rezervuara.