Kryetari i Gjilanit kundërshton largimin e 17 punëtorëve nga puna

6 Janar 2017 - 10:33      

Kryetari i Komunës së Gjilanit, Lutfi Haziri, ka deklaruar se ndërprerja e kontratave për 17 punëtorët e kompanisë së pastrimit “Eko- Higjiena” nga ana e menaxhmentit është veprim i paligjshëm, ndaj ka kërkuar rishikimin e tij, shkruan sot Koha Ditore.

Në të kundërtën, Haziri ka thënë se do të marrë masa deri në shkëputjen e kontratës së partneritetit publiko-privat të nënshkruar në mes Komunës dhe partnerit austriak “Moser Group”.

Kryetari Haziri ka thënë se punëtorëve u ishte dhënë garanci nga ana e Komunës në takimet që kishin pasur me partnerin austriak se nuk do të sanksionoheshin për shkak të bojkotit të punës që kanë bërë vitin e kaluar. Ai ka thënë se marrëdhëniet e tensionuara në mes menaxhmentit dhe punëtorëve duhet të relaksohen, në të kundërtën Komuna do të detyrohet që të marrë masa të cilat nuk i preferon.
(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.