Dy lagje të Lipjanit prej 3 ditësh përballen me vërshime ujërash të zeza

6 Janar 2017 - 09:28      

Banorët e lagjeve ”Zylfie Gashi” dhe “Lulzim Llugiqi” të Lipjanit prej 3 ditësh po përballen me vërshime të ujërave të zeza, shkruan sot Koha Ditore.

Kjo ngase gypi kryesor në të cilën është i lidhur më shumë se gjysma e qytetit është bllokuar, ndërkohë që pusetat kanë shpërthyer.
Komuna dhe KUR “Prishtina”, të cilat janë përgjegjëse për mirëmbajtjen e rrjetit të kanalizimeve deri tashti nuk kanë intervenuar, megjithëse banorët janë ankuar vazhdimisht.

Bodrumet e disa objekteve kolektive tashmë janë mbushur me ujëra të zeza, ndërkohë nga kundërmimi po vështirësohet jetesa e banorëve. Përfaqësuesit e objekteve kolektive vazhdimisht po mundohen me pompa elektrike ta largojnë ujin e ndotur derisa organet përgjegjëse për mirëmbajtjen e kanalizimeve nuk po u përgjigjen.
(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.