Nis pastrimi i aksit rrugor Kaçanik – Hani i Elezit ku mbetën të bllokuar rreth 1 mijë udhëtarë

5 Janar 2017 - 21:25      

Dëshmitarët që kanë dërguar në adresë të portalit Koha.net fotografitë dhe informatën për bllokimin e aksit rrugor mes Hanit të Elezit dhe Kaçanikut, kanë treguar se ka nisur pastrimi i këtij aksi.

Kjo ka ardhur vetëm disa minuta pas publikimit të lajmit në Koha.net.

Bëhet fjalë për rreth 300 deri në 400 vetura të bllokuara me rreth 1 mijë udhëtarë.

Kujtojmë se diku rreth 10 centimetra është trashësia e borës që ka bllokuar pothuajse tërësisht aksin rrugor mes Hanit të Elezit deri te ura e metalit në hyrje të Kaçanikut.

Sipas dëshmitarëve aty kolona nuk po lëvizte fare. Kësisoj janë bllokuar edhe kamionë të mëdhenj që e kanë bllokuar tërësisht rrugën.

Po sipas tyre askush nuk ishte angazhuar për pastrimin e kësaj pjese të magjistrales që lidh Prishtinën me Shkupin.

Rreth orës 22:15, bëhet me dije se rruga ka nisur të zhbllokohet dhe makinat të lëvizin.

© KOHA. Të gjitha të drejtat janë të rezervuara.