Procedurat tenderuese - peng i komplikimeve ligjore në Pejë

5 Janar 2017 - 08:40      

Komuna e Pejës vjet është përballur me probleme të shumta në sferën e prokurimit publik, shkruan sot Koha Ditore.

AAK-ja opozitare e pranon se problemi është rënduar edhe më nga të metat që ka Ligji për Prokurim.

“Për korrektësi po them se Ligji për prokurim është i koklavitur, por Zyrën për Prokurim e kanë përcjellë të meta të mëdha dhe kjo është konstatuar edhe në raportin e auditorit të jashtëm. Pra, si fajtore unë e shoh komunën për shkak të punës joprofesionale të Zyrës së prokurimit dhe si rrjedhojë kanë ardhur të gjitha këto zvarritje të procedurave të tenderëve”, thotë Naimi Sahiti, zyrtar i AAK-së në Pejë.

Në Zyrën e prokurimit nuk i marrin të gjitha fajet mbi vete. Shumicën ua lënë ankesave të operatorëve, pa përjashtuar edhe Ligjin e plotësuar të prokurimit vitin e kaluar. Sipas drejtuesve të kësaj zyre, operatorët kanë krijuar edhe një lloj “konflikti” jo vetëm me autoritetin kontraktues, por edhe mes operatorëve të tjerë dhe ankesat e tyre jo rrallë, siç thonë në këtë zyrë, kanë qenë edhe të qëllimshme vetëm që të zvarrisin procedurën e tenderit, për “inat” të operatorit tjetër.
(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.