Shikimi me zemër i Yllkës

3 Janar 2017 - 18:30      

Dritë në tunel është motoja e jetës së saj. Bazuar në këtë shprehje Yllka Berisha nga Prizreni synon arritjen e majave të sukseseve, në çdo aktivitet që bën në jetë.

Fakti që bota e saj është në errësirë e sfidon, por nuk e pengon këtë person të verbër që me vizion të ndritur të ec qartë drejtë përmbushjes së objektivave të saj në jetë, shkruan “Koha Ditore”.

Kësisoj ka arritur që të jetë mjaft aktive në jetën publike të qytetit duke qenë frymëzim jo vetëm për Personat me Aftësi të Kufizuara, por për shoqërinë në tërësi. E dalluar me sensin për humor, Yllka ka arritur që të jetë personalitet i dashur në komunitet.

Në botë të errët e me vizion

“Edhe pse jam e verbër s’dëshiroj që të jem e stigmatizuar dhe e mbyllur që të mendojnë të tjerët që kjo s’sheh dhe s’mund të bëj gjë. Bota ime vërtetë është errësirë, por unë kam vizion të qartë dhe të ndritur për të ndjekur ëndrrat e mia dhe për t’i arritur majat e suksesit”, ka thënë Berisha. (Artikullin e plotë mund ta lexoni në numrin festiv të Kohës Ditore, që mbetet në treg deri të martën më 3 janar) 

© KOHA. Të gjitha të drejtat janë të rezervuara.