Trualli i çerdhes jepet për ndërtimin e Qendrës Nacionale të Xhudos

29 Dhjetor 2016 - 10:48      

Në seancën e fundit për këtë vit, Kuvendi Komunal i Pejës, të mërkurën, ia ka ndërruar destinimin truallit ku ka qenë çerdhja e vjetër dhe e para e qytetit, kapur me stadiumin e basketbollit, te Qendra Kryesor e Mjekësisë Familjare.

Në atë hapësirë pritej të ndërtohej çerdhja e re, por nga ky takim i Kuvendit ajo hapësirë do të shfrytëzohet për ndërtimin e Qendrës Nacionale të Xhudos, shkruan sot Koha Ditore.

Propozimi i paraqitur në Kuvend, për ndërtimin e asaj qendre, është mirëpritur dhe përkrahur nga të gjithë këshilltarët, pavarësisht subjektit politik, por disa këshilltarë e vunë në pyetje si të paqëlluar atë hapësirë të propozuar që kërkohej të miratohej prej këshilltarëve.

Këshilltari Avdi Shkreli (LVV), duke mbështetur ndërtimin e asaj qendre, konsideroi se nuk bën të cenohet trualli i çerdhes. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.