Vetëvendosje stolis bredhin me premtimet e parealizuara të kryetarit të Gjilanit

24 Dhjetor 2016 - 09:30      

Aktivistë të Lëvizjes Vetëvendosje në Gjilan, të premten, kanë zhvilluar një performancë para Komunës, ku kanë vendosur një bredh dhe disa fletushka ku paraqiten premtimet e kryetarit të Komunës së Gjilanit, Lutfi Haziri, të cilat janë dhënë gjatë fushatës elektorale.

Sipas këtij subjekti politik, premtimet që ishin dhënë gjatë fushatës elektorale për uljen e taksave komunale 100 për qind, depolitizimin e administratës dhe të arsimit, rritjen e nivelit të pastërtisë në qytet dhe heqjen e ujërave të zeza në fshatin Malishevë nuk janë përmbushur.

Gjithashtu ata kanë akuzuar kryetarin e Komunës se gjatë mandatit të tij nuk ka bërë asgjë në përmirësimin e klimës biznesore dhe uljen e numrit të të papunëve.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni. 

© KOHA. Të gjitha të drejtat janë të rezervuara.