PDK: Agim Bahtiri lavdërohet me projektet e Avni Kastratit

21 Dhjetor 2016 - 09:58      

Duke e ndjerë dështimin total në të gjitha fushat, kryetarit të Komunës së Mitrovicës, Agim Bahtiri, nuk i ka mbetur asgjë tjetër pos të lavdërohet me projektet që ishin përgatitur dhe kishin nisur në kohën e Avni Kastratit. I tillë është edhe projekti për sheshin e qytetit që kishte nisur në vitin 2011.

Kështu thuhet në një komunikatë të PDK-së, Dega në Mitrovicë, e cila thekson se përveç zyrtarëve komunalë të Mitrovicës, në përgatitjen e atij projekti ishin kyçur edhe ekspertë të Komisionit Evropian, në mënyrë që të hartohej një projekt sa më modern për qytetin e Mitrovicës.

“Për projektin që ishte siguruar edhe financimi nga BE-ja, ekzistojnë fotografi që dëshmojnë ecurinë e gjithë procesit. Fotografitë dhe komunikatat për këtë projekt të Avni Kastratit ekzistojnë edhe në webfaqen e komunës”, thuhet në reagimin e PDK-së, ku edhe bashkëngjisin një video. 

© KOHA. Të gjitha të drejtat janë të rezervuara.