Në Prizren vihet në diskutim publik Propozimrregullorja për transparencën

21 Dhjetor 2016 - 08:49      

Prizren, 21 dhjetor – Kuvendi i Komunës së Prizrenit ka përmirësuar lëshimin e Zyrës komunale për informim lidhur me vënien në diskutim publik të Propozimrregullores për transparencë.

Anëtarët e KK-së kanë votuar për vënien në diskutim publik të këtij propozimakti komunal, shkruan sot “Koha Ditore”. Në seancën plenare këshilltarët nuk kanë debatuar për këtë çështje me arsyetimin se Propozimrregullorja do të kthehet sërish për shqyrtim në KK.

“Shkojmë direkt në votim, meqë Draftrregullorja pas debatit publik do të kthehet sërish në Kuvend për shqyrtim dhe miratim”, ka thënë kryesuesi i KK-së, Kujtim Gashi. Kësisoj, Propozimrregullorja është vënë në diskutim publik në përputhje me procedurat që i parasheh legjislacioni në fuqi.

Muajin e kaluar KD-ja pati raportuar se zyrtarët e Komunës së Prizrenit përmes një njoftimi të publikuar në ueb faqen zyrtare të këtij institucioni patën bërë të ditur se Draftrregullorja për transparencë është vënë në diskutim publik. Por kryesuesi i Kuvendit të Komunës, Kujtim Gashi, pati shpjeguar se një vendim të tillë duhet ta marrë organi më i lartë vendimmarrës në nivel lokal përkatësisht të votohet paraprakisht nga anëtarët e KK-së... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.