Shkolla e Mirosalës prej një jave pa ngrohje

19 Dhjetor 2016 - 10:38      

Prej një jave rreth 300 nxënës të shkollës fillore “Mejdi Xhaferi” në fshatin Mirosalë të Ferizajt kanë mbetur pa ngrohje, derisa radiatorët dhe i gypat e ngrohjes kanë shpërthyer si pasojë e disa defekteve në sistem të pompave, ndërkohë ende nuk ka intervenuar askush për riparimin e tyre.

Kjo çështje e ka shtyrë këshillin e prindërve të kësaj shkolle në fund të javës së kaluar të mblidhet për të kërkuar me urgjencë nga komuna rregullimin e sistemit të ngrohjes qendrore dhe rregullimin e nyjave sanitare, shkruan sot “Koha Ditore”.

Besmir Berisha, banor i Mirosalës, është ankuar se prej më shumë se 7 ditësh nuk po funksionon ngrohja qendrore në objektin e shkollës, andaj, sipas tij, komuna deri tashti nuk ka intervenuar për riparimin e defekteve.

(Tekstin e plotë lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.