Pesëdhjetë fermerë ferizajas marrin fidanë mjedre “me kancer”

16 Dhjetor 2016 - 09:30      

Ferizaj, 16 dhjetor – Drejtoria e Bujqësisë e Ferizajt ditë më parë ka shpërndarë fidanë të mjedrës për 50 fermerë me nga 20 arë, mirëpo sipas raportit të analizave nga Instituti Bujqësor i Kosovës në Pejë, të cilin e ka siguruar “Koha Ditore”, ato janë të infektuara me kancerin e pemëve (Agrobacterium tumefaciens) dhe tharjen e fidanit (Didymella Appalanata).

Ekzekutivi i Komunës së Ferizajt nuk u ka besuar analizave të këtij Instituti, ndaj analizat e fidanëve i ka bërë në një laborator privat dhe në bazë të atyre dokumenteve është bërë shpërndarja.

Komuna e Ferizajt nga buxheti vetjak ka shpenzuar gjithsej 62 mijë euro për këtë produkt të fidanëve, i cili ka ardhur nga Serbia, ndërkohë një kopje të tiketës së ambalazhit e ka siguruar KD-ja.

Zyrtarët komunalë të Ferizajt janë arsyetuar se fidanët e mjedrës janë të shëndoshë, por Instituti Bujqësor i Pejës ka bërë ndonjë gabim gjatë punës me analiza (gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.