Opozita po ankohet se Podujevës i kushtoi shtrenjtë dekorimi për fundvit [video]

15 Dhjetor 2016 - 20:27      

Dekorimi i qytetit për fundvit ka ngjallur reagime në komunën e Podujevës.

Në rrjetet sociale, është postuar një fotografi e bredhit që është vendosur në qendër të qytetit, për të cilin është thënë se është i njëjti bredh i viteve të kaluara dhe se komunës i ka kushtuar 7.999€.

Njëjtë kanë thënë edhe zyrtarë të opozitës në këtë komunë, raporton KTV.

Sipas shefit të grupit të këshilltarëve të PDK-së, Rafet Llapashtica, me këto para komuna ka mundur të ndihmojë familjet në nevojë.

Ndërkaq, zyrtarë të komunës i mohojnë këto akuza, duke thënë se komuna ka respektuar të gjitha procedurat ligjore në dhënien e tenderit për dekorimin e qytetit.

Vlen të theksohet se vitin e kaluar, komuna e Agim Veliut nuk kishte shpenzuar fare për dekorim, pasi që këtë e kishin bërë bizneset private.

© KOHA. Të gjitha të drejtat janë të rezervuara.

Opozita po ankohet se Podujevës i kushtoi... by kohanet