Gjilani jep me qira prona komunale, banesa dhe lokale afariste

15 Dhjetor 2016 - 14:05      

Komiteti për Gjeodezi, Kadastër e Pronë (KGJKP) ka shqyrtuar të mërkurën propozim-vendimin e kryetarit të Komunës për dhënien në shfrytëzim afatshkurtër të disa pronave të paluajtshme komunale, banesa dhe lokale afariste, të cilat ndodhen në kuadër të dy objekteve banesore-afariste, të ndërtuara në partneritet publiko-privat.

Këto prona do të jepen në shfrytëzim nëpërmjet ankandit publik, nga një komisioni vlerësues i cili është i emëruar nga Kuvendi i Komunës. Refik Shala, kryesues i Komitetit, ka deklaruar se njëri objekt gjendet afër Kombinatit të Duhanit ndërsa tjetri te ish-kadastra, të dy objektet janë ndërtuar në pronën komunale.

Ai ka thënë se ky rekomandim duhet të kalojë nëpër procedurat që kërkohen dhe më pastaj procedohet në Kuvendin Komunal të Gjilanit ku edhe bëhet shqyrtimi final.
 

© KOHA. Të gjitha të drejtat janë të rezervuara.