Lladrovci premton investime kapitale e Xhemajlaj thotë se i ka dy investitorë duke pritur

14 Dhjetor 2016 - 20:10      

Kandidati i PDK-së për kryetar në Drenas, Ramiz Lladrovci vlerëson se zgjedhjet kanë qenë korrekte.

Në duelin e parë televiziv me kundër kandidatin e Nismës, Isa Xhemajlaj, ai premtoi situatë të qetë edhe në zgjedhjet tjera, transmeton Koha.net.

Sipas tij, Drenasi kësaj here u bë shembull për të gjitha vendet e rajonit.

“Mua më intereson që zgjedhjet të jenë të qeta dhe demokratike pasi aty do të vijnë investime të reja për djem e vajza që janë të papunë në Drenas”, ka thënë ai, duke premtuar investime të mëdha kapitale në Drenas.

Ndërsa, Isa Xhemajlaj ka thënë se gjatë mandatit të tij nuk do të ketë përparësi prej një vendi në tjetrin.

“Ligjet e njëjta janë për tërë Kosovën dhe nuk janë të sanksionuara për një vend. Unë do të krenohem se vërtet do të vijnë investitorët aty dhe do kthehen fabrikat aty”, ka thënë ai.

Xhemajlaj përmend dy investitorë që sipas tij kanë shprehur interesimin që menjëherë pas festave të fundvitit të fillojnë punën në Drenas.

“Këta investitorë kanë qenë më herët në Drenas mirëpo nuk kanë gjetur mbështetjen në komunë”, ka thënë ai.

© KOHA. Të gjitha të drejtat janë të rezervuara.