Komuna e bindur që qendrën e skijimit në Pejë do ta kryejë dimrin e ardhshëm, opozita skeptike [video]

11 Dhjetor 2016 - 20:57      

Qendra e skijimit në Pejë “Borea” , me një gjatësi prej 20 kilometrash pritet të jetë e gatshme në fund të vitit 2017.

Projekti “Borea” po vlerësohet të jetë tejet atraktiv për qytetarët, por edhe për investitorët në tërësi, raporton KTV.

Zyrtarët komunalë kanë bindjen se ky projekt do të realizohet, duke thënë që është vetëm në fazën fillestare.

Por, kështu nuk mendojnë opozitarët në këtë komunë.

Naim Sahiti nga AAK-ja thotë se projekti “Borea” po shfrytëzohet vetëm për interesa politike.

Sahiti kritikon komunën, duke thënë se nuk kanë bërë asgjë tjetër pos studimit të fizibilitetit.

Ky projekt kap vlerën e më shumë se 50 milionë eurove.

Ky projekt është thënë se do të jetë vetëm 900 metra larg qendrës së qytetit, përmes të cilit për 13 minuta mund të arrihet lartësia mbidetare prej 2 mijë e 400 metrash.

Komuna e bindur që qendrën e skijimit në Pejë... by kohanet

© KOHA. Të gjitha të drejtat janë të rezervuara.