PDK-ja në Fushë-Kosovë e cilëson gjysmak Projektplanin për të zhvendosurit

9 Dhjetor 2016 - 13:15      

Fushë-Kosovë, 9 dhjetor – Zyrtarët opozitarë të PDK-së në Fushë-Kosovë e kanë quajtur dokument jashtë kontekstit kohor Projektplanin e veprimit për personat e zhvendosur dhe zgjidhje të qëndrueshme, i cili ka kaluar në shqyrtimin e parë në mbledhjen e fundit të Kuvendit Komunal.

Shefi i Grupit të këshilltarëve të PDK-së, Naser Grajçevci, thotë se ata e kishin lëshuar edhe seancën atë ditë, pasi, sipas tij, pozita e ka bllokuar debatin në Kuvend.

“Si të gjitha dokumentet e deritanishme, e përfshirë edhe Strategjinë e Zhvillimit të Komunës, janë dokumente jashtë kontekstit kohor, të cilat nuk korrespondojnë me kohën dhe kërkesat e komunitetit. Dokumenti ka shumë të meta në substancën e asaj që adreson dhe edhe më shumë është gjysmak në qasjet implementuese të tij”, ka thënë Naser Grajçevci.
Sipas tij, nuk mund të japësh vlerësim për një dokument, siç e quan ai, jashtë konteksti kohor (gjerësisht, sot në “Kohën Ditore”).

© KOHA. Të gjitha të drejtat janë të rezervuara.