Dëmet nga përmbytjet e nëntorit në Malishevë, 100 mijë euro

9 Dhjetor 2016 - 11:09      

Malishevë, 9 dhjetor – Autoritetet komunale të Malishevës kanë raportuar se dëmet nga përmbytjet e shkaktuara në nëntor arrijnë vlerën prej afro 100 mijë eurove. Kjo informatë është dhënë gjatë mbledhjes së Këshillit Komunal të Sigurisë në Bashkësi, të enjten.

Sipas njoftimit të Zyrës së informimit të Komunës së Malishevës, në këtë mbledhje, drejtori i Mbrojtjes dhe i Shpëtimit, Sejdi Paçarizi, ka njoftuar të pranishmit për përmbytjet e muajit të kaluar, ku, sipas tij, situata është menaxhuar mirë. “Ndërsa dëmet e shkaktuara nga përmbytjet e muajit të kaluar janë rreth 100 mijë euro”, thuhet në njoftimin e ZI-së (gjerësisht, sot në “Kohën Ditore”).

© KOHA. Të gjitha të drejtat janë të rezervuara.