Kreu i Gjilanit lavdërohet për arritje, opozita akuzon për dështime

8 Dhjetor 2016 - 13:28      

Gjilan, 8 dhjetor –Kryetari i Komunës së Gjilanit, Lutfi Haziri, ka deklaruar se komuna i ka realizuar projektet e këtij viti, për viti 2017, ka thënë ai do të jetë një vit i investimeve në infrastrukturën publike siç është trajtimi i ujërave të zeza, rregullimi i hyrjeve të qytetit dhe investimet në infrastrukturën shkollore e atë shëndetësore.

Sipas kreut të Gjilanit, këtë vit në infrastrukturën publike janë investuar 5 milionë e 600 mijë euro. Por vitin e ardhshëm do të përfundojë edhe cikli i investimeve në infrastrukturën shkollore.

Haziri ka deklaruar se vitin e ardhshëm do të nisë edhe projekti i trajtimit të ujërave të zeza përmes kredisë nga Qeveria austriake në vlerë prej 13 milionë eurosh. Ndërsa ka shtuar se vitin e ardhshëm do të nisë edhe ndërtimi i rrugës me 4 shirita në gjatësi prej 3 kilometrash nga Liqeni i Livoçit deri te Qendra e Gjilanit dhe rehabilitimi i rrugës Gjilan-Kllokot në gjatësi prej 11 kilometrash.

Sipas tij, Gjilani me këto investime që priten të bëhen vitin e ardhshëm kapin shifrën prej 29 milionë eurosh.

Por Nevzad Isufi, shef i GK të Lëvizjes Vetëvendosje po kritikon qeverisjen komunale, e cila drejtohet nga Lutfi Haziri për punimet e dobëta në ndërtimin e rrugëve dhe rregullimin e trotuareve. Ai ka deklaruar se shumë projekte të infrastrukturës zvarriten dhe nuk përfundojnë simbas afateve të përcaktuara. (gjerësisht, sot në “Kohën Ditore”).

© KOHA. Të gjitha të drejtat janë të rezervuara.