OSHP-ja kthen në rivlerësim furnizimin me softuer digjital për shërbime qytetarësh në Prizren

8 Dhjetor 2016 - 13:13      

Prizren, 8 dhjetor – Organi Shqyrtues i Prokurimit ka njoftuar Komunën e Prizrenit se duhet ta anulojë vendimin për dhënie të kontratës në aktivitetin e prokurimit "Furnizimi me softuer digjital për shërbim të qytetarëve të Komunës së Prizrenit" dhe se atë duhet ta kthejë në rivlerësim.

Këto veprime Komuna e Prizrenit duhet t'i zbatojë meqë eksperti shqyrtues ka gjetur shkelje të dispozitave të Ligjit të prokurimit publik.

Pas njoftimit të marrë nga OSHP-ja, Komuna e Prizrenit, përkatësisht Zyra e prokurimit ka publikuar njoftimin për anulimin e dhënies së kontratës. Si arsye të anulimit ka theksuar se vendimi i OSHP-së kërkon anulimin e njoftimit për dhënie të kontratës, pasi që do të bëhet rivlerësimi i aktivitetit të prokurimit (gjerësisht, sot në “Kohën Ditore”).
 

© KOHA. Të gjitha të drejtat janë të rezervuara.