Në Fushë-Kosovë 90 për qind e objekteve pa qasje për persona me aftësi të kufizuara

8 Dhjetor 2016 - 09:08      

Fushë-Kosovë, 8 dhjetor –Zyrtarët e Lëvizjes Vetëvendosje kanë thënë se rreth 90 për qind e objekteve në Komunën e Fushë-Kosovës nuk kanë qasje për personat me nevoja të veçanta.

Duke komentuar miratimin e Planit për këtë kategori këshilltarja e LVV-së, Trendelina Duli, ka thënë se njësoj është edhe me rrugët dhe trotuaret e këtij qyteti, që sipas saj, nuk i plotësojnë standardet për një lëvizje të lirë për këta persona.

“Fillimisht ne e mbështesim një plan që do të ndihmonte personat me nevoja të veçanta që t’i realizonin nevojat e veta në mënyrë sa më të lehtë dhe dinjitoze”, ka thënë Trendelina Duli.

Këtë Projektplan e ka mbështetur edhe shefi i Grupit të këshilltarëve të PDK-së, Naser Grajçevci. Por, ai ka shprehur shqetësimin e tij për mospërfshirjen e personave me nevoja të veçanta në punësim. Grajçevci, po ashtu ka thënë se kjo kategori ka nevojë për mbështetje konkrete e jo për dokumente në letra.

Ai ka kritikuar qasjen e deritashme të Komunës së Fushë-Kosovës ndaj personave me nevoja të veçanta (më shumë, sot në “Kohën Ditore”).
 

© KOHA. Të gjitha të drejtat janë të rezervuara.