Komuna e Prizrenit planifikon blerjen e 3 veturave me vlerë 80 mijë euro

7 Dhjetor 2016 - 09:19      

Prizren, 7 dhjetor – Komuna e Prizrenit është në prag të finalizimit të një aktiviteti të prokurimit, me anë të cilit synon furnizimin me tri vetura të reja për nevojat e administratës.

Sipas një njoftimi të publikuar nga Zyra e Prokurimit në ueb faqen zyrtare të komunës vlera e blerjes së këtyre tri veturave është afro 81 mijë euro derisa data e planifikuar për nënshkrimin e kontratës për këtë furnizim është e enjtja, shkruan sot “Koha Ditore”.

Në bazë të vlerësimit të përfaqësuesve të opozitës kjo politikë publike dëshmon se pushtetarët e Prizrenit janë të interesuar më shumë për komforin e tyre sesa për mirëqenien e qytetarëve.

Por drejtori i Administratës në Komunën e Prizrenit, Ilir Baldedaj, ka theksuar se me blerjen e veturave të reja synohet ulja e shpenzimeve të mirëmbajtjes dhe të karburanteve meqë një numër i veturave të administratës komunale tashmë janë amortizuar, si pasojë e përdorimit shumëvjeçar... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.