Në Nekoc të Drenasit inspektohen punimet në ndërtimin e dy urave

6 Dhjetor 2016 - 15:55      

Drejtoresha e Shërbimeve Publike dhe Emergjencë, Hyrije Xhemajlaj-Thaqi ka inspektuar punimet që janë duke u realizuar në bashkëpunim mes UNDP-së dhe komunës së Drenasit për ndërtimin e dy urave dhe zgjerimi i përroskave, bëhet e ditur përmes një komunikate për media.

“Ky projekt ka arritur të realizohet falë bashkëpunimit mes komunës së Drenasit dhe UNDP-së për intervenimin e ndërtimit të dy urave, njëra në lagjen Krapi dhe tjetra në lagjen Fana si dhe do të behët zgjerimi i përrockës që kalon në këtë fshat në gjatësi rreth 600 metra”, thuhet në komunikatë, transmeton Koha.net.

Sipas ekspertëve të UNDP-së me këtë intervenim do të shmangen vërshimet që kishin ndodhur në fillim të këtij viti në këtë fshat dhe tani do të behët pastrimi dhe zgjerimi në vendet që ishin pengesë në rrjedhën e përrockës që kalon në këtë fshat.

© KOHA. Të gjitha të drejtat janë të rezervuara.