Ruairi O’Connell interesohet për zhvillimet në Gjilan

5 Dhjetor 2016 - 15:11      

Ambasadori iu Britanisë së Madhe në Kosovë, Ruairi O’Connell sot ka marrë pjesë në një takim të asamblesë së fëmijëve në këtë qytet dhe më pas është takuar me kryetarin e Gjilanit Lutfi Haziri, njofton kumtesa komunale, transmeton Koha.net.

Kryetari Haziri e ka falënderuar ambasadorin për interesimin që ka treguar për punën dhe kushtet e punës në Komunën e Gjilanit, duke nënvizuar se O`Connell është njohës i mirë i rrethanave tek ne.

“Vizita e ambasadorit shënon një histori, sepse është hera e parë që ai vjen në Gjilan, pas një shërbimi shumë të gjatë në Kosovë”, ka thënë Haziri.

ambasadori britanik Ruairi O`Connell u shpreh i kënaqur me ato që kishte dëgjuar nga kryetari Haziri.

O`Connell tha se asamblenë e fëmijëve e ka inkurajuar që të kërkojë më shumë prej politikanëve, sepse askush tjetër nuk do ta ndryshojë botën për ju, nëse ju vetë nuk i bëni ndryshimet që dëshironi.

© KOHA. Të gjitha të drejtat janë të rezervuara.