Qendra e kujdesit ditor “Pema” kërkon mbështetje institucionale

5 Dhjetor 2016 - 11:48      

Drejtues të qendrës së kujdesit ditor “Pema” në Prizren, e cila u ofron shërbime sociale fëmijëve me aftësi të kufizuara, kanë kërkuar mbështetje nga organet komunale e qeveritare, në mënyrë që të vazhdojnë veprimtarinë edhe vitin e ardhshëm.

Sipas tyre, vështirësitë financiare janë të dukshme në mungesë të fondeve të mjaftueshme, prandaj dhe kërkohet përkrahje nga institucionet, bizneset e donatorët, shkruan sot “Koha Ditore”.

“Meqë jemi në fund të projektit, u bëj thirrje organeve kompetente komunale dhe qeveritare, bizneseve private, etj. që të marrin iniciativa konkrete dhe ta përkrahin rrugëtimin e kësaj qendre edhe më 2017. Pra, ky fundvit të mos sjell mbylljen e kësaj dere për këta fëmijë, të cilët e kanë vendin e vetëm përveç familjes ku gjejnë mbështetje dhe argëtim”, ka thënë koordinatorja e kësaj qendre, Blerta Ferizi-Kastrati.

Ajo ka sqaruar se deri tashti qendra është financuar nga fondet e BE-së dhe se herë pas here ka pasur mbështetje edhe nga Komuna e Prizrenit, por që “ aktualisht janë shterë këto fonde dhe po i afrohemi fundit të projektit” ... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.