Policia konfirmon se në Drenas pati blerje votash e kanosje

4 Dhjetor 2016 - 19:57      

Policia e Kosovës përmes një njoftimi për media ka treguar se për zgjedhjet në Drenas, prej orës 07:00, deri më tani nga zyrtarët policorë janë shoqëruar në stacione policore 7 persona.

Prej tyre 5 si të dyshuar, ndërsa 2 në cilësinë e dëshmitarëve.

Që të gjithë pas përfundimit të procedurave policore me urdhër të prokurorëve përkatës janë liruar.

Megjithëse kemi pasur raportime nga me të ndryshmet, me urdhër të prokurorisë të shtetit janë hapur tri raste: Kanosje; Dhënia ose marrje e ryshfetit lidhur me votim si dhe Prishje e rendit dhe qetësisë publike.

Me rastet po merren njësitet përkatëse në bashkëpunim me prokurorinë, ndërkohë që Policia e Kosovës po vazhdon zbatimin e planit operativ për mbarëvajtjen e zgjedhjeve në Drenas dhe mbetet e përkushtuar në realizimin e detyrave dhe përgjegjësive të saj ligjore, me qëllim të ruajtjes së rendit dhe sigurisë publike.

© KOHA. Të gjitha të drejtat janë të rezervuara.