KEDS thotë se për shkak të mbingarkesës në Drenas janë shkyçur disa trafo

4 Dhjetor 2016 - 18:48      

KEDS ka njoftuar se në Drenas ka ndalur disa trafo, e këtë ka thënë ta ketë bërë për shkak të mbingarkesës, në mënyrë që, siç është thënë të mos vije deri te rënia e largpërçuesve.

“KEDS njofton se të gjitha vendvotimet në Komunën e Drenasit kanë energji elektrike. Ekipet e KEDS-it janë vazhdimisht në terren dhe duke u përkujdesur maksimalisht që furnizimi të jetë pa ndërprerje”, thuhet në njoftimin e KEDS-it, përcjell koha.net. “Janë ndalur disa trafo për shkak të mbingarkesave, në mënyrë që të mos afektohet procesi zgjedhor dhe të mos vije deri tek rënia e largpërçuesve”, thuhet më tej aty.

Gazetari i Kohavisionit që po përcjell zgjedhjet në Drenas, ka treguar se në fshatin Çikatovë është ndalur rryma, rreth orë 17:00.

© KOHA. Të gjitha të drejtat janë të rezervuara.