Një menaxher i vendvotimit në Drenas akuzon shoqërinë civile se po gënjen

4 Dhjetor 2016 - 17:27      

Edhe për kundër disa parregullsive që janë evidentuar nga KIZ, menaxheri i qendrës së votimit në shkollën “Halil Bajraktari”, në Drenas, Gazmend Heta thotë deri në këtë moment, nuk është shënuar ndonjë parregullsi përveç një rasti ku është paraqitë një votues me shenja të gishtërinjve me ngjyrë.

Heta thase ky person është lejuar të votojë, ngase atij i ishte paraqitur rrezatimi në gishtërinj. Ai tha se në konsultim me KQZ-në, personi në fjalë është lejuar të votojë, transmeton kosovapress.

‘’Deri tani kanë dalë 758 votues domethënë përafërsisht 24% numri i përgjithshëm, çdo gjë deri më tani ka qenë në rregull, procesi është duke shkuar siç duhet pa ndonjë ankesë prej kryesuesve. Një rast e patëm për shkak që ne duar i kanë dalë disa shenja, mirëpo ato siç thamë ai punon në telegraf... edhe ato thashë normale, por tha, duhet të procedohet. E kanë proceduar dhe nëse diçka nuk është në rregull shqyrtohet tani prej organeve kompetente...Ajo është rregulluar nuk ka paraqitur asnjë problem që me u ndalu procesi i votimit në atë vendvotim . 3336 është numri i përgjithshëm i votuesve këtu në qendrën tonë’’, tha Heta

Shefqet Bytyqi, menaxher në shkollën “Rasim Kiqina”, tha se përkundër disa raportimeve për parregullsi të cilat kanë pasur të bëjnë me fotografimin e votës, nuk ka pasur diçka tjetër që duhet theksuar.

“Në këtë qendër votimi votojnë 3996 votues , deri tash kanë votuar diku 1029 votues deri në ora 15:00. Nuk ka pasur ndonjë parregullsi...Pash një lajm që ka ndodhur dikun por nuk kam pasur ndonjë informacion se ka pas ndonjë parregullsi” tha Bytyqi.