Nxënësit po bojkotojnë mësimin në Zym të Hasit, shkak zëvendësimi i arsimtares [video]

3 Dhjetor 2016 - 21:00      

Largimi nga puna i arsimtares së Gjuhës Shqipe dhe zëvendësimi i saj me një arsimtare të re, ka shtyrë nxënësit e shkollës fillore “Shtjefën Gjëçovi” në Zym të Hasit, që të bojkotojnë mësimin, raporton KTV.

Ata, të mbështetur edhe nga prindërit dhe mësuesit e shkollës, kanë protestuar të premten duke kërkuar që Samire Çoçaj të kthehet në shkollë, transmeton Koha.net.

Pakënaqësinë e nxënësve e ka konfirmuar edhe drejtori i shkollës, Arsim Kerhanaj.

Protesta e nxënësve dhe arsimtarëve u ka kushtuar, pasi që disa nga arsimtarët janë shoqëruar për në stacionin policor.

Njëri nga arsimtarët e ka quajtur veprim të panevojshëm të Policisë shoqërimin e tyre në stacionin policor.

E Samire Çoçaj, e cila që nga viti 2012, ka punuar në këtë shkollë, ka thënë se largimi i saj nga puna është i padrejtë. Ajo akuzon Drejtorinë e Arsimit për padrejtësinë që është bërë.

Mirëpo, drejtuesi i kësaj drejtorie, Zahadin Shemsedini, ka thënë se ajo ishte punësuar pa konkurs.

© KOHA. Të gjitha të drejtat janë të rezervuara.

Nxënësit po bojkotojnë mësimin në Zym të Hasit... by kohanet