Hani i Elezit i rikthen pronat e ish-APJ-së

3 Dhjetor 2016 - 12:12      

Një fitore mjaft e madhe juridike është shënuar për Komunën e Hanit të Elezit derisa Kolegji i apelit në AKP në kuadër të Gjykatës Supreme të Kosovës e ka pranuar si të bazuar ankesën e Komunës së Hanit të Elezit kundër “Udarnik Komerc DOO”, lidhur me pronat e ish-APJ-së, shkruan sot Koha Ditore.

Bashkim Sopa zëdhënës i Komunës së Hanit të Elezit ka njoftuar se kolegji i Apelit në Gjykatën Supreme të Kosovës i përbërë nga një gjykatës vendor dhe dy gjykatës të Eulex-it, duke vendosur me ankesën ndaj vendimit të Komisionit për kërkesa të pronësore të Kosovës dhe pas shqyrtimit të mbajtur në korrik të vitit 2016 ka marrë aktvendimin me të cilën pranohet si e bazuar ankesa e Komunës së Hanit të Elezir dhe refuzohen kërkesat e “Udarnik Komerc DOO”.

Në çështjen procedurale të ngritur në vitin 2006 subjekti ligjor, “Udarnik Komerc DOO” ka pretenduar vërtetimin e të drejtës së tij të pronës dhe riposedimin e tri ngastrave të tokës të ndërtesave dhe objekteve të ish- APJ-së në Han të Elezit.

(Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.