Peja humb kontestin me disa kompani ankuese

3 Dhjetor 2016 - 10:32      

Disa kompanive që kanë qenë të angazhuara nga Qeveria e përkohshme e pasluftës, në Pejë, dhe nuk janë paguar për punën e angazhuar për largim rrënojash dhe rrënim të disa objekteve afariste serbe të ndërtuara në hapësira publike në vitet ’90-të, tashti e kanë fituar të drejtën e kompensimit të 26 mijë markave gjermane, shkruan sot Koha Ditore.

Pejën e ka befasuar këtë javë një aktvendim përmbarues i Gjykatës Themelore të Pejës, që detyron atë të bëjë një pagesë prej 13 mijë eurosh disa kompanive ankuese pejane. Ky vendim i gjykatës ia ka dhënë të drejtën kompanive ankuese që të arkëtojnë mjetet për një shërbim të kërkuar nga komuna që e kanë kryer muajt e parë të pasluftës në Pejë.

Për çka ato atë kohë nuk janë paguar nga komuna. Këto kompani kanë qenë të angazhuara a nga kryetari i Qeverisë së përkohshme në vitin e parë të pasluftës në Pejë, Ethem Çeku, për të spastruar sipërfaqet nga rrënojat në qytet dhe për të rrënuar edhe dyqane të ngritura në vitet ’90-të nga serbët në hapësira publike kapur me Pallatin e Kulturës.

(Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.