Shoqëria civile me performancë kundër kaosit nga vendparkimet, në Prizren

3 Dhjetor 2016 - 08:30      

Aktivistë të shoqërisë civile në Prizren, të premten, kanë realizuar një performancë publike me të cilën kanë ngritur zërin kundër kaosit të krijuar nga parkimet private, që kryesisht janë krijuar pas rrënimit të shtëpive të vjetra në Zonën historike të qytetit, shkruan sot Koha Ditore.

Ata kanë rekomanduar institucionet përgjegjëse që të ndërmarrin veprime të duhura ligjore, me qëllim të vendosjes së rregullit, që do të përkthehej edhe në ruajtjen e vlerave të trashëgimisë ndërtimore të Prizrenit.

“Kjo performancë është reagim i një grupi të organizatave të shoqërisë civile kundër degradimit të vazhdueshëm që ndodh në Qendrën historike, konkretisht në këtë rast për vendparkimet private në qytet, ku shumica e tyre janë krijuar me rrënimin e shtëpive të vjetra. Prej 34 vendparkimeve brenda dhe rreth Qendrës historike të Prizrenit, diku 25 janë krijuar me rrënimin e shtëpive të vjetra”, ka thënë Edon Mullafetahu nga OJQ “EC Ma Ndryshe”.

Sipas tij nga sipërfaqja e përgjithshme e vendparkimeve del se vetëm 4.3 për qind janë publike, derisa 60.6 për qind janë private e 31.4 për qind janë joformale në trotuare e rrugë, që cenojnë lirinë e lëvizjes së qytetarëve. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.