AKR ankohet për dëmtimin e billbordave në Drenas

1 Dhjetor 2016 - 14:16      

Aleanca Kosova e Re, përmes një kumtese për medie, shpreh indinjatë ndaj akteve të disa banditëve të cilët gjatë orëve të natës kanë dëmtuar billbordat e kandidatit Elmi Thaçi, transmeton Koha,net.

Këta njerëz që janë mësuar që me dhunë, shantazhe dhe presione ta orientojnë vullnetin e qytetarëve të Drenasit, duhet ta dinë se tashmë ka ardhur fundi.

AKR i garanton qytetarët e Drenasit se nuk ka asnjë forcë e cila mund ta ndalë fitoren dhe zhvillimin ekonomik të Drenasit. AKR është e vendosur që të jetë në krah të qytetarëve, tu shërbejë qytetarëve pa marrë parasysh veprimet e disa banditëve.

AKR u bën thirrje organeve të rendit, policisë dhe prokurorisë që ti arrestojnë banditët që nëpërmjet akteve të tilla qyqare, po tentojnë ta mbajnë peng të ardhmen e qytetarëve të Drenasit.