Shumica e pronave komunale të Pejës rezulton të jenë të zaptuara

30 Nëntor 2016 - 10:42      

Pejë, 30 nëntor – Komuna e Pejës prej dy muajsh po i identifikon në terren pronat e saj, që evidentohen si prona komunale në kadastër.

Ky projekt i komunës është duke u mbështetur financiarisht nga programi “DEMOS” i organizatës zvicerane “HELVETAS Swiss Intercooperation”, shkruan sot “Koha Ditore”. Përveç identifikimit të pronave, me këtë projekt po zbulohen edhe pronat publike të uzurpuara.

Drejtori i Çështjeve Pronësore - Juridike, Edmond Shala, tregon se sipas të dhënave aktuale nga terreni, shumica e pronave komunale janë të uzurpuara.

“Pasi ta kemi raportin përfundimtar, të gjithë uzurpatorët do të përballën me gjoba dhe me siguri do të shkohet edhe në gjykatë”, tregon Shala se çka i pret qytetarët që i kanë uzurpuar ato prona jo vetëm në periudhën e pas luftës, por edhe para saj... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.