Konferencë informuese në Gjilan për MSA-në

29 Nëntor 2016 - 15:22      

Gjilan, 29 nëntor - Në Gjilan sot është mbajtur konferenca e parë informuese për Marrëveshjen e Stabilizim Asociimit, e organizuar nga Instituti për Studime Politike dhe Grupi për Studime Politike dhe Juridike, në mbështetje të Ambasadës së Holandës në Kosovë dhe të Komunës së Gjilanit.

Me këtë rast u dhanë informacione të hollësishme për këtë marrëveshje, për obligimet e Kosovës ndaj saj, por edhe për rolin e komunave në përmbushjen e objektivave të cilat përbëjnë lehtësim të zbatimit të marrëveshjes gjatë të ardhmes, transmeton Koha.net.

“Është ngjarja më e mirë dhe më e madhe që Kosova ka pasur, shpallja pavarësisë, ndërkaq integrimet europiane janë rruga e vetme e saj”, tha në këtë konferencë kryetari i Gjilanit, Lutfi Haziri.
Me fjalën e tyre janë paraqitur edhe drejtoresha e Institutit të Prishtinës për Studime Politike, që njëherit ka kryesuar këtë konferencë, Leonora Kryeziu, pastaj Felix Rathje, nga zyra e BE-së, Venera Ramaj nga Ambasada e Holandës në Kosovë, Arjeta Meraj hulumtuese nga Grupi për Studime Juridike dhe Politike, Jeton Karaçica në Ministrinë e Integrimeve Evropiane dhe të tjerë.

Në këtë takim kanë merrnin pjesë zyrtarë të komunave të regjionit të Gjilanit. 

© KOHA. Të gjitha të drejtat janë të rezervuara.