Policia në Prizren ndalon 52 automjete të transportit publik në gjendje jo të rregullt teknike

29 Nëntor 2016 - 14:56      

Policia e Kosovës për rajonin e Prizrenit ka bërë me dije se në bazë të Ligjit mbi Rregullat e Trafikut Rrugor, nga data 16.11.2016 deri më 25.11.2016 ka bërë implementimin e planit operativ “Kontrollimi teknik i jashtëzakonshëm” ku në fokus kanë qenë të gjitha automjetet e transportit publik të kompanive publike dhe atyre private.

Të gjitha automjetet e ndaluara ku është dyshuar se nuk janë në gjendje të mirë teknike (Sistemi i frenave, gomat, parafangoja e dëmtuar, sistemi i ndriçimit, dimensionet e mjetit etj) janë dërguar në kontroll teknik të jashtëzakonshëm sipas nenit 252.1 të Ligjit Nr.05/L-088 të LRRTRR.

Gjatë kësaj periudhe kohore janë ndaluar dhe dërguar në kontrollim teknik të jashtëzakonshëm këto automjete:

Kamionë - 22
Autobusë - 06
Kombi-bus - 03
Kamionët - 06
Furgona - 12
Vetura - 03

Gjithsejtë janë kontrolluar 52 automjete, dhe të gjitha prej tyre kanë rezultuar se nuk janë në gjendje të rregullt.

Ky plan operativ ka pasur mjaftë sukses pasi që kompanitë, por edhe qytetarët po merren më seriozisht me gjendjen teknike të automjeteve, po ashtu edhe qendrat e kontrollimeve teknike, vërehet se kanë ngritur kriteret në punën e tyre kontrolluese. 

© KOHA. Të gjitha të drejtat janë të rezervuara.