Shkolla Ekonomike e Pejës me linja të teknologjisë ushqimore

29 Nëntor 2016 - 12:22      

Pejë, 29 nëntor – Shkolla e mesme ekonomike “Ali Hadri” e Pejës me mbështetjen e programit austriak “ALLED”deri në fund të muajit dhjetor do të bëhet me tri vija prodhuese të teknologjisë ushqimore, për aftësimin dhe ngritjen profesionale të nxënësve të drejtimit bujqësor të kësaj shkolle.

Në këto vija prodhuese, siç thotë drejtori komunal i Arsimit, Besim Avdimetaj, nxënësit do të mësojnë për përpunimin e qumështit, të reçelit dhe të frutave, shkruan sot “Koha Ditore”.

Ndërsa gjatë ditëve të ardhshme në shkollë priten të sillen edhe kosheret më bletë për aftësimin e nxënësve në fushën e bletarisë.

Këtë vit shkollor është ngritur në hapësirën afër shkollës edhe një serrë e dhuruar nga austriakët si edhe është ndërtuar fidanishtja, ndërkaq javën e shkuar nxënësit mbollën edhe fidanët e parë të mollës... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.