Pavlani përballet me mungesë toke për varreza fshati

26 Nëntor 2016 - 13:02      

Ka më tepër se pesë vjet që banorët e fshatit Pavlan të Pejës nuk i mbulon vetëm pikëllimi për vdekjen e një bashkëfshatari, por edhe shqetësimi se ku t’i varrosin ata, për shkak se varreza e fshatit është mbushur. Për sigurimin e një hapësire tjetër për varrezat e këtij fshati, banorët vite me radhë kanë adresuar kërkesat në komunë me shpresë që të gjendet një zgjidhje, shkruan sot Koha Ditore.

“Kemi nis me i varros të vdekuri mbi të vdekurit tjerë. Janë ba varr mbi varr në fshatin tonë, tu mos pas vend ku tjetër me i varros të vdekurit në varrezën e fshatit. Që pesë vjet e kemi këtë problem. Vazhdimisht kemi kërkuar në komunë dhe kemi prit mos po bëhet gjë, por deri tash send s’ka ndodh nga komuna”, ankohet kryetari i këtij fshati, Avdyl Dreshaj.

Ai thotë se si kryetar i fshatit ka folur edhe kryetarin e komunës, Gazmend Muhaxheri, që të gjenin një zgjidhje. “Na ka premtuar, por deri tashti ende nuk ka asgjë dhe kemi mbetur keq”, tregon Dreshaj për takimin e fundit me Muahxherin që e ka pasur para më shumë se 3 muajsh.

(Detajet mund t’i gjeni në numrin e sotëm të Kohës Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.