“Takimet në oda mbahen duke injoruar gratë”

24 Nëntor 2016 - 21:33      

Kandidatët për kryetar të Drenasit në ballafaqimin e tyre të parë në “Rubikon” të KTV-së kanë folur për takimet e tyre që po i mbajnë në oda, duke e injoruar kështu gjininë e kundërt.

Sipas, Xhavit Drenorit, është e dukshme se gratë nuk janë të kyçura shumë në procesin e zgjedhjeve dhe mbi këtë theksoi se po punon, transmeton Koha.net.

“Te ato oda apo dhoma të pritjes më kanë sjellë pikërisht votuesit e mi dhe aty është krejt normale që vijnë më shumë burra. Gratë normal që nuk janë të kyçura shumë mirëpo punoj në këtë drejtim që të ketë progres", ka thënë Drenori.

E sipas kandidatit të subjektit Fjala, Vehbi Berisha, mbajtja e takimeve nëpër oda po bëhet edhe për shkak të motit.

Ai ka thënë se shqetësuese mbetet fakti se zyrtarët e lartë shtetëror po e vizitojnë Drenasin me vetura zyrtare e truproje.

"Moti i tillë që më lehtë po mbajmë takime në oda. Forumi i gruas është duke punuar dhe takohemi edhe me gra.
Me të vërtet në Drenas kanë zbarkuar te gjithë zyrtarët e lartë dhe ato resurse qe i përdorin janë të taksapaguesve, qytetarëve të Kosovës. Po vijnë me vetura zyrtare dhe truproje", ka thënë Berisha.

Mirëpo, për këta kandidatë oda nuk është shqetësim. Problem për ta janë vizitat e zyrtarëve të lartë shtetëror në Drenas.

Madje, siç theksoi Xhemajlaj brenda ditës Drenasin e vizitojnë shumë ministra e deputetë çka ata nuk po i lejon të ndjehen të njëjtë karshi kandidatëve tjerë.

© KOHA. Të gjitha të drejtat janë të rezervuara.