Treni nëpër Ferizaj mbetet rrezik për kalimtarët

24 Nëntor 2016 - 10:04      

Ferizaj, 24 nëntor – Dy vendkalimet e hekurudhave sa ka gjithsej në Ferizajt prej rreth 10 ditësh kanë mbetur pa rampa derisa ato janë dëmtuar dhe deri tashti askush nga organet kompetente nuk kanë ndërhyrë për vendosjen e tyre. Si pasojë e kësaj gjatë ditëve të vikendit janë shënuar edhe aksidente me dëme materiale, derisa treni është përplasur me vetura, shkruan sot Koha Ditore.

Telashe më të mëdha po paraqet vendkalimi mbi hekurudha te rrethi kryesor, në brendësi të qytetit, ndërkohë banorët vazhdimisht po ndihen të rrezikuar nga qarkullimi i trenit, andaj ata kanë kërkuar të bëhej një zgjidhje për parandalimin e aksidenteve.
Albulena Nrecaj, drejtore ekzekutive në OJQ “INPO” në Ferizaj ka thënë se është shqetësuese prej rreth 10 ditësh mos të vendosen rampa në dy vendkalimet e hekurudhave në qytet.

KD-ja, ka tentuar gjatë së mërkurës, të merrte një përgjigje nga Agron Thaçi, kryeshef në “Infrakos”, mirëpo ai nuk e ka hapur telefonin (gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.