Inspeksioni liron hapësirat e zaptuara publike në Kabash të Vitisë

24 Nëntor 2016 - 09:01      

Viti, 24 nëntor - Drejtoria e Inspeksionit e Komunës së Vitisë, të mërkurën, ka ndërmarrë një aksion për lirimin e hapësirave publike në fshatin Kabash ku është bërë lirimi i disa hapësirave, të cilat ishin uzurpuar nga banorët lokalë. Aksionin e kësaj drejtorie e ka mbështetur edhe Policia e Kosovës e cila ka ofruar siguri për zyrtarët komunalë, shkruan sot Koha Ditore.

Skënder Ahmeti, drejtor i Inspeksionit ka deklaruar se ata janë të përkushtuar në lirimin e hapësirave publike nga uzurpuesit dhe se të gjitha ndërtimet të ndodhura në hapësirën publike e të cilat janë uzurpuar, do të shkatërrohen.

Ai ka theksuar se një pjesë e qytetarëve, të cilët kanë uzurpuar prona publike në fshatra të ndryshme të Komunës së Vitisë i kanë liruar në mënyrë vullnetare. Sipas tij, në fshatin Kabash është bërë ekzekutimi i dhunshëm i lirimit të pronës, ngase banorët nuk kanë shprehur dëshirë për lirimin e tyre (më shumë, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.