Rruga e Pogragjës dhe e Uglarit të Gjilanit, peng i buxhetit

23 Nëntor 2016 - 10:23      

Gjilan, 23 nëntor- Komuna e Gjilanit ende nuk ka një projekt për ndërtimin e infrastrukturës rrugore, e cila do t’iu mundësonte banorëve të fshatrave Pogragjë dhe Uglar, por edhe për një pjesë të fshatit të Malishevë, që të lidheshin me lagjen kryesore të qytetit “Arbëria”.

Ndërtimi i rrugës do të ndikonte që të shkurtohej distanca e udhëtimit për banorët e Pogragjës dhe të Uglarit, të cilët do të shfrytëzonin rrugën nga lagjja “Arbëria” që çon në Gjilan, duke shmangur opsionin e qarkullimit nga rruga e fshatit Malishevë.

Këshillat e fshatrave Malishevë dhe Pogragjë vlerësojnë se ky projekt është i rëndësishëm, ngase përveç që do të shkurtonte distancën rrugore për banorët, gjithashtu do të realizohej shkarkimi i trafikut përmes rrugës së lagjes “Arbëria”.

Valon Shefkiu, drejtor i Urbanizmit, deklaron se realizimi i këtij projekti ka një kosto buxhetore ku përfshihet edhe shpronësimet e tokave private. Ai thotë se projekti është i rëndësishëm për banorët, por edhe për Komunën. (gjerësisht, sot në “Kohën Ditore”).

© KOHA. Të gjitha të drejtat janë të rezervuara.