Banorët e rrugës “Qamil Ilazi” në Ferizaj kërkojnë asfaltimin e rrugës

22 Nëntor 2016 - 08:46      

Ferizaj, 22 nëntor – Komuna e Ferizajt gjatë këtij viti ka asfaltuar dhjetëra rrugë e rrugica në qytetin e Ferizajt, mirëpo në këto projekte infrastrukturore është anashkaluar rruga “Qamil Ilazi” me gjatësi prej më shumë se një kilometër, shkruan sot Koha Ditore.

Megjithëse është një projekt i vogël, banorët e kanë vlerësuar se ka një rëndësi mjaft të madhe, derisa gjatë sezonit dimëror kjo rrugë bëhet e pakalueshme, ndërkohë kërkesat e tyre prej më shumë se 3 vjet nuk janë shqyrtuar nga komuna. Sipas banorëve, më të rrezikuar i kanë fëmijët gjatë vajtje-ardhje nga shkolla, derisa gropat e mëdha janë mbushur me ujëra të ndotur.

Gafurr Ilazi, drejtor i infrastrukturës në Komunën e Ferizajt, është zotuar se asfaltimi i rrugës “Qamil Ilazi”, do të nisë në pranverë të vitit 2017, me arsyetim se tashmë projekti për ndërtimin rrjetit të kanalizimit ka përfunduar (më shumë, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.