“Nuk do të lejojmë vjedhjen e votës në Drenas”

22 Nëntor 2016 - 01:17      

Kandidati i LDK-së në Drenas, Bedri Nika u ka bërë thirrje të gjitha partive politike në Drenas që të dalin me një deklaratë të përbashkët për t’u zotuar që të mos lejohet vjedhja e votës në zgjedhjet e reja.

Komentet Nika i ka bërë në emisionin Interaktiv të KTV-së, duke shprehur bindjen se në këtë qytet do të ndodhë një revolucion me fitoren e LDK-së.

Nika ka thënë se PDK-ja ka keq qeverisur në këtë qytet për gjithë këto vjet.

Kandidati i LDK-së për kryetar të Drenasit, një biznesmen nga ky qytet, është pyetur për aktakuzën që kishte sipas së cilës atij dhe vëllait të tij i ishin gjetur 80.000 dollarë fals, por ai ka thënë se procesi ka përfunduar dhe është shpallur i pafajshëm.

Nika me kompaninë e tij për shumë vjet e kanë fituar tenderin e Qeverisë dhe Kuvendit për menaxhimin e bufeve edhe në kohën që PDK-ja qeveriste, por ai ka thënë se të gjithë tenderët i ka fituar me pikë.

© KOHA. Të gjitha të drejtat janë të rezervuara.