Përurohet rruga e re në Stubëll të Epërme të Vitisë

20 Nëntor 2016 - 14:05      

Është bërë përurimi i rrgës në fshatin Stubëll e Epërme në Viti, e cila ka një gjatësi prej 2.5 kilometrash.

Në ceremoninë e përurimit bëhet e ditur se morën pjesë ministri i Infrastrukturës, Lutfi Zharku së bashku me kryetarin e Komunës së Vitisë, Sokol Haliti, ipeshkvin Dodë Gjergji, zëvendësministrin Emanuel Demaj dhe bashkëpunëtorë të tjerë, transmeton Koha.net.

Me rastin e përurimit të rrugës, Zharku përgëzoi vendasit për përfundimin e këtij projekti të rëndësishëm infrastrukturor, i cili ka një rëndësi të madhe jo vetëm për banorët e këtij lokaliteti por edhe më gjerë.

“Ne do të vazhdojmë të investojmë në infrastrukturën rrugore në komunën e Vitisë dhe do të përkrahim financiarisht projektet e tjera prioritare të kësaj zone që do të ndikojnë në zhvillimin e gjithëmbarshëm të saj”, tha Zharku.

Haliti falënderoi Qeverinë e Kosovës për investimet e bëra në këtë komunë dhe shprehu bindjen e tij se ky bashkëpunim do të vazhdojë edhe në të ardhmen në përmirësimin e infrastrukturës së kësaj zone në dobi të qarkullimit më të mirë dhe zhvillimit ekonomik.

Ky projekt infrastrukturor është financuar nga Ministria e Infrastrukturës dhe Komuna e Vitisë, ka një gjatësi prej 2.5 kilometrash dhe një gjerësi prej 5 metrash.

© KOHA. Të gjitha të drejtat janë të rezervuara.