Afër 45 mijë euro dëme në bujqësi nga vërshimet e fundit

17 Nëntor 2016 - 11:30      

Në sektorin e bujqësisë të Komunës së Rahovecit vlera e dëmeve të shkaktuara nga vërshimet e fundit është afër 45 mijë euro.

Ky vlerësim është dhënë nga Komisioni komunal për vlerësimin e dëmeve, i cili trup sipas Zyrës për Informim të Komunës së Rahovecit ka përgatitur raportin për dëmet në bujqësi që janë shkaktuar nga vërshimet, si pasojë e të reshurave të shiut më 7 e 8 nëntor të këtij viti.

“Sipas raportit të Komisionit, janë vizituar të gjitha lokalitetet ku janë shkaktuar dëmet në kulturat bujqësore nga vërshimet në fusha të hapura, si në grurë, lakër dhe në objektet e mbyllura, depot ku ka depërtuar uji dhe që janë prishur tërësisht kulturat bujqësore siç janë: qepë, kunguj, silazhe, fasule dhe speca në serra.

Fshatrat të cilat komisioni i ka vizituar dhe ka bërë vlerësimin e dëmeve janë: Fortesë, Xërxe dhe Celinë, kurse vlera totale e këtyre dëmeve sipas Komisionit është 44 mijë e 822 euro”, ka thënë zyrtari për informim, Haziz Krasniqi.
(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.