Peja ndalon ndërtimet ilegale pasi arrestohet drejtori

17 Nëntor 2016 - 08:39      

Katër ditë pasi është arrestuar drejtori i Inspektoratit, Demë Dashi, i cili nga e diela gjendet në arrest shtëpiak 30 ditor, komuna i ka lëshuar në terren inspektorët e vet të ndërtimit që të ndalin punimet e ndërtimeve të kateve pa leje në objektet që dyshohen se kanë shkaktar arrestimin e shefit të Inspektoratit, shkruan sot Koha Ditore.

Inspektorët e ndërtimit në aksionin e nisur të martën, të shoqëruar edhe nga policia, i kanë larguar punëtorët nga punishtet dhe ua kanë ndaluar punimet disa ndërtuesve në objekteve për banim kolektiv, që janë në ndërtim. Megjithëse këtë aksion inspektorët e quajnë një inspektim të zakonshëm dhe të vazhdueshëm sikur herët e kaluara, megjithatë në fokus të ndalimit të punimeve janë ndërtesat që ia vunë prangat drejtorit të Inspektoratit.
(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.